هواي الحلوات بديرتنا

هواي الحلوات بديرتنا
وكلهن وعيونچ يردني

وحده گلتلها اني شايب
يمعودة بس فكي عني

گالت ما اعوفك يا يونس
الا تكتبلي وتغني

آني اللي اعشق شيباتك
يالغالي وصوتك جنني

تخليني اشرب بدموعي
وتروح لذليچ وذني

كلتلها سكتي وعوفيني
صدري وبطني ديئذني

تعبان ويوجعني راسي
وعالماسنجر ديحاچني

وحدة تحب النبطي كلش
ووحدة زهيري تطلب مني

ووحدة تسألني متزوج ؟
والاخرى شسمك تسألني ؟

ووحدة تريد تلم هدومي
ووسط الغابات تسكني

بس وحدة العاشت بگليبي
وعنها ابدا ما استغني

بيضة وحلوة ومن اهل الله
الصدق البيها هو كاتلني

ما اكدر ابدا انساها
وفني استغني عنها فني

تسكن بالخافق بس هيه
ومزعل منها لو تِزعلني

هي آية من آيات الله
واتصرگع من تكلمني

مثل الشمس بوسط الظلمه
لو طلت نورها يبهرني

كل بنوات الديره فدوه
لعيونها لو بس تامرني

اتطوع شرطي بمطبخها
شما تطبخ منه توكلني

هواي الحلوات بديرتنا
وكلهن وعيونچ يردني






الكناري
يونس الجبوري
21/2/2012